QIZILTEPA TUMAN AXBOROT RESURS MARKAZI

Қизилтепа туман Халқ таълими бўлимига қарашли Ахборот-ресурс маркази томонидан  Халқ таълими вазирлигининг 2013 йил                      31-январдаги  Халқ таълими тизимида “Китобхонлар байрами”  тадбирини  ўтказиш тўғрисидаги 35-сонли буйруғи, “Энг яхши китобхон ўқувчи”  кўрик танловининг туман босқичи ҳақида

маълумот.

Ўқувчилар ўртасида китобхонликни тарғиб қилиш  китобхонлик маданиятини ривожлантириш мақсадида “Китобхонлар байрами “ доирасида   2019 йил 25-апрел куни Қизилтепа туман  Халқ таълими бўлимига қарашли 5- умумий ўрта таълим мактабида “Энг яхши китобхон ўқувчи”  танловининг туман босқичи бўлиб ўтди. Бунда Халқ таълими  бўлимига қарашли 14-18-26-36 умумий ўрта таълим мактаблари ва 39- ихтисослаштирилган мактаб интернати ўқувчилари иштирок этишди. Танловни  Халқ таълими бўлими  ходими  дарсликлар билан ишлаш  мутахассиси  Л.Исмоилова очиб берди. У ўз сўзида бугунги кунда китоб ўқиш , китобхонликни ривожлантириш  борасида  Президентимиз  томонидан мамлакат сиёсати даражасида кўтарилгани, бу борада кўплаб ишлар олиб борилаётгани , буни исботи сифатида   19-март куни бўлиб ўтган Президентимиз томонидан илгари сурилган бешта  устивор йўналишнинг  тўртинчи ташаббуси “ Ёшлар маънавиятини юксалтириш ва улар ўртасида китобхонликни кенг тарғиб қилиш бўйича  тизимли ишларни  ташкил этишга йўналтирилган”лиги сўзимизнинг исботидир.   Ана шундай шарт шароитда ўқишларини , келажакда ишларига ривож  ва бугунги танлов иштирокчиларига омад тилаб ўз сўзини якунлади.   Шундан сўнг ўқувчилар

14- мактаб ўқувчиси:  Намозова Насиба

18-мактаб ўқувчиси:Амриддинова Ҳадябегим

26-мактаб ўқувчиси:Тўхтаева Дилноза

36-мактаб ўқувчиси: Фармонова Меҳриноза

39- ИМИ  ўқувчиси: Нусратуллаева Раънолар

низомга берилган  шартлар бўйича  бирин -кетин ўз билимларини синовдан ўтказишди .  Танлов  ҳакамлар ҳайъати  томонидан оқилона  баҳолаб борилди. Шартлар давомида иштирокчилар бахси қизғин тус олди. Улар ўзлари ўқиган китоблардан гапириб берар эканлар  китоб улар ҳаётида нечоғлик аҳамиятга  эга эканлиги намоён бўлди. Танловнинг  барча    шартлари бўйича  39- ИМИ ўқувчиси  Нусратуллаева Раъно  энг юқори  88 балл  тўплаб  вилоят босқичига йўлланма олди. Тадбир сўнгида танлов иштирокчилари  Халқ таълими бўлими томонидан диплом ва эсталик совғалар билан  тақдирландилар.

7-умумий  ўрта таълим мактаби Ахборот-ресурс маркази  томонидан  21-март Наврўз  умумхалк  байрамига бағишлаб ўтказилган  “Наврўз шўх созим” номли адабий кеча ҳақида маълумот.

     2019-йил  18-март куни  АРМ залида 7- умумий ўрта таълим мактаби ахборот-ресурс маркази   томонидан  21-март Наврўз умумхалқ  байрамига бағишлаб “Наврўз шўх созим” номли қизлар беллашуви  ўтказилди. Беллашувда мактабнинг 6- “А”-синф қизлари иштирок этдилар. Беллашувни  Актамова Шириной ва Туробова Рухшоналар  олиб борди. Тадбирни кириш сўзи билан  мактабнинг ММИБДЎ   И.Ходжаева    очиб бериб, яшариш-янгиланиш  байрами Наврўзи олам билан барча тадбир иштирокчиларини табриклади.Беллашувда қизлар 4та шарт  асосида беллашдилар. Таништирув, қизиқарли  савол-жавоб, байрам совғаси  тайёрлаш, эркин мавзу шартлари бўйича ўзаро беллашдилар. Беллашувда  6-“А” –синф ўқувчиси Абдурахимова Паризод  ғолибликни  қўлга киритди. 6-синф йигитлари   Наврўз  ҳақида шеърлардан намуналар айтдилар. Тадбир давомида ахборот-ресурс маркази раҳбари Л.Жўрақулова   сўзга чиқиб томошабинларни байрам билан табриклаб,Наврўз-орзуларни рўёбга чиқарадиган, тилаклар ижобат бўладиган мўжизавий байрам эканлигини таъкидлаб ўтди.

Мактабимизнинг 7 -“Б” синф қизлари томонидан  ижро этилган  ўзбегим  рақси  йиғилганларга катта таъсурот қолдирди. Тадбирда  мактабнинг  ўқитувчи ва ўқувчилари жами  47 нафар фаол китобхонлар иштирок этишди. Кеча қизиқарли бўлиб ўтди.

Қизилтепа туман Ахборот-ресурс маркази томонидан Вилоят халқ таълими бошқармасининг 2019 йил 5-февралдаги 01-391-сонли, Вилоят Ахборот-ресурс марказининг 2019 йил 6-февралдаги 01-43- сонли хатига асосан 4-февралдан          25- майга қадар  ўтказиладиган “Китоб ҳафталиги”да Эркин Маликнинг “Шайтонваччанинг найранглари” номли китобидан 1-4-синфлар ўртасида ўтказилган давра суҳбати ҳақида маълумот

2019 йил 6 февраль куни Ахборот-ресурс маркази томонидан Вилоят халқ таълими бошқармасининг 2019 йил 5-февралдаги 01-391-сонли, Вилоят Ахборот-ресурс марказининг 2019 йил 6-февралдаги 01-43- сонли хатига асосан 4-февралдан 25- майга қадар  ўтказиладиган “Китоб ҳафталиги”да Эркин Маликнинг “Шайтонваччанинг найранглари” номли китобидан 1-4-синфлар ўртасида  давра суҳбати бўлиб ўтди. Давра суҳбатида АРМ ходими Г.Собирова Э.Маликнинг  ҳаёти ва ижоди ҳақида қисқача маълумот бериб ўтди. “Шайтонваччанинг найранглари” номли асари 2 қисмли бўлиб, бунда ёзувчи “Азалдан пешонаси шўр бўлган шайтонваччанинг хаёти нихоятда чигаллашиб кетганлигини. Думи қулоғи кесилиб замбаракка қуйиб отилгач у гадой топмас бир қишлоққа бориб тушганлиги, сувдаги аксини кўриб капалаги учганлиги, Негаки у энди шайтондан одамга айланиб қолганлиги, Шайтонвачча мен — е деб одамшайтон бўлиб яшай бошлаганлиги, Натижада кўз кўриб қулоқ эшитмаган воқеаларни содир қилдирганликлари ва Мухтарам  Пайғамбаримиз Мухаммад алайҳиссалам мархамат килиб,  хар бир одам боласининг мусулмон ҳолатида туғилиб кейинчалик эса ота -онасининг тарбиясига қараб ё хидоят топишини ё кофирлик ботқоғига ботишини таъкидлаб”ўтганлигини  ўқувчиларга айтиб ўтди.

Ўқувчилар ҳам тушунганларини бир-бирлари билан муҳокама қилдилар ва ушбу китобни  кутубхонадан олиб ўқиш учун аъзо бўлдилар.

Давра суҳбатига 46 нафар ўқувчи иштирок этди. Суҳбатни АРМ ходими Г.Собирова олиб борди.

Ахборот-ресурс маркази томонидан ўқувчилар ўртасида 2019 йил февраль-май ойларида бадиий адабиётларни тарғибот қилиш мақсадида ўтказиладиган “Китоб ҳафталигининг” 1-4-синфлар ўқувчилари ўртасида Носир Фозилнинг “Шум боланинг набиралари”номли асари  юзасидан ўтказилган тарғибот

 ҳақида маълумот

Ахборот-ресурс маркази томонидан 2019 йил 25 февраль куни 1-4-синф ўқувчилар ўртасида Носир Фозилнинг “Шум боланинг набиралари”номли асари  юзасидан  тарғибот бўлиб ўтди. Тарғиботда Ахборот-ресурс маркази ходими Р.Жумаева Носир Фозилнинг ҳаёти ва ижоди ҳақида қуйидагиларни айтиб ўтди. Носир Фозил 1929-йил 10-июнда Қозоғистон Республикасининг Туркистон туманида туғилган. 1990 йил Ўзбекистонда хизмат кўрсатган  санъат арбоби.1954 йил Ўрта Осиё Давлат унверситетини тугаллаган. 1959 йил “Ирмоқ”,  1962 йил “Оқим”,  1964 йил “Робинзонлар”, 1965 йил “Қуш қаноти билан”, 1968 йил “Қор хат”,1970 йил “Кўклам қиссалари”, 1979 йил  “Дийдор”,1983-1984 йиллар “Танланган  асарлар” икки жилдлик, 1989 йил  “Болалигим-подшолигим”, 1985 йил “Шум боланинг набиралари”,  1997 йил “Мунаввар лаҳзалар”, 2004 йил “Эсласанг, кўнглинг ёришир” каби бошқа асарлар муаллифидир.  Қорақалпоғистон ва қозоқ  ёзувчиларининг асарларини ўзбек тилига таржима қилган. 1999-йил “Эл-юрт ҳурмати” ордени билан мукофотланган. 2001 йил “Топдиму йўқотмадим” китоби учун давлат мукофоти билан тақдирланган. Ҳикоя ва қиссалари миллий бўёқларнинг ёрқинлиги, тилининг  жозибадорлиги, халқ турмуши манзараларининг, айниқса болаларнинг ички  дунёси, ўй-кечинмаларининг жонли тасвири, кўтаринки  руҳи билан ажралиб туради. Асарларида чўл табиатига хос манзаралар шоирона чизилган.

”Шум боланинг набиралари” номли қиссасида икки ўртоқ Анвар ва Фурқатнинг мактабда “физика” ва “изтопарлар” тўгарагига аъзо бўлганлиги Анвар эса онасидан сўроқсиз уйидан дазмол, радио, телвизорини олиб бориб физика тўгарак аъзолари билан бузиб яна қайта жойлаштирардилар. Онаси сезиб қолиб уни ўқлов билан урганда уйдан чиқиб кетади ўртоғи Фурқат билан “изтопарлар” тўгараги  Гражданлар уруши қатнашганларни номларини аниқлаб  “Гулхан” журналига хат юборишлари кераклиги сабабли уйидагиларига билдирмай Фурқатнинг бобосининг қишлоғига кетадилар.

У ерда ҳам кўп воқеаларни бошларидан кечирадилар. Қиссада Анвар синглиси Мафтунани онамга чақимчилик қилган деб ўйлаб идиш-товоқ ювишни ёқтирласлигини билиб, унга идиш-товоқлари кўпайтириш учун онасини туғилган куни бугун боринглар деб ёлғондан қўшниларни таклиф қилади. Таклиф этилган меҳмонларнинг ҳаммаси келиб ўйин кулги қилиб мазза қилиб ўтирган пайтлари Анвар кириб келади, ҳовлига кириб келаётганда чўнтагидан  дўсти Фурқатга “Гулхан” журналидан келган хатини почта қуттисидан ўғрилаб олганини синглиси топиб қолади ва ўртоғига айтаман дейди. Шунда Анвар эса айтма, нима десанг бажараман деб синглисига илтимос қилади. Синглиси идишларни ювиб оласан деб эгнидаги фартукчисини ечиб беради.

Қисса кенг китобхонлар оммасига мўлжалланган бўлиб,ёзувчи ушбу асари учун 1994 йил Қозоғистон Республикаси  Президенти таъсис  этган  “Тинчлик ва ҳамжиҳатлик” мукофотига сазовор бўлган.

Тарғиботни арм ходими Р.Жумаева олиб борди. Тарғиботга 24 нафар ўқувчи иштирок этди.

 Qiziltepa  tuman Axborot-resurs markazi tomonidan G’azal mulkining  sultoni Alisher Navoiy tavalludining 578-yilligiga bag’ishlab  bo`lib o`tgan  “Olis yulduz shu’la  ta’ratar”nomli badiiy kecha

 haqida ma`lumot.

2019-yil 9-fevral kuni G’azal mulkining  sultoni Alisher Navoiy tavalludining  578-yilligiga bag’ishlab “Olis yulduz shu’la  ta’ratar”nomli badiiy kecha o’tkazildi.“Adabiyot kunlari”ni o`tkazishdan maqsad o`quvchilarga milliy va jahon adabiyotlari orqali ezgulik, insonparvarlik  singari yuksak insoniy fazilatlarga nisbatan mehr va muhabbat uyg`otish. Kechani kirish so`zi bilan maktabning MMIBDO` I.Xodjayeva ochib berdi.  Alisher Navoiy mislsiz ulug` shoir, olim va mutaffakkirdir. U qirqqa yaqin badiiy va ilmiy asarlar, axloqqa doir  risolalar yaratib qoldirdi.  Navoiy lirik shoir va dostonnavisdir.  O`zbek  va fors tojik tilidagi nodir asarlari bilan o`zbek klassik adabiyotini yuksak taraqqiyot bosqichiga olib chiqdi, fors tojik poeziyasiga bebaho  durlar qo`shdi. Shu bilan birga, Navoiy iste’dodli adib-badiiy prozaning namoyandasidir deb o`quvchilarga tushuncha berdi.  Buyuk mutafakkir bobomizning tavallud kunlari  munosabati bilano`tkazilgan kechada  maktabimiz faol kitobxono`quvchi va o`qituvchilari ishtirok etdilar.  Kecha juda qiziqarli va maroqli tashkil etildi. “Xamsa” Navoiy merosining buyuk sayqali, xalqimiz ma’naviy taraqqiyotining ko‘zgusi. Ushbu dostonning  har bir asaridan parchalar,  sahna ko`rinishlari namoish etildi. Maktabimiz mahoratli o`qituvchilari ishtirokida “Etti go‘zal” sahna ko‘rinishi hammaga ko`tarinki ruh bag`ishladi.   Kecha  so`nggida taklif etilgan  mehmonlar ham so`zga chiqishdi. Tadbirda 7 – umumiy o`rta ta’lim maktabi o`quvchi va oqituvchilari va taklif etilgan mehmonlardan  jami  43  dan ortiq faol kitobxonlar  ishtirok etdishdi. Tadbir qiziqarli va esda qolarli bo`lib o`tdi.

Қизилтепа  туман Халқ таълими бўлими Ахборот-ресурс маркази томонидан Ўзбекистон Республикаси Халқ таълими вазирлигининг 2018-йил 18-декабрдаги 02-06/3-5531-сонли хати, 2018-йил 27-декабрдаги 01-37-сонли хати ижросини таъминлаш мақсадида “Қувончим,мақсадимсан қишки таътилим” шиори остида  ўқувчиларнинг қишки таътил даврида бўш вақтларини мазмунли ташкил этиш бўйича қилинган  ишлар тўғрисида

маълумот.

Қизилтепа  туман Халқ таълими бўлими Ахборот-ресурс маркази томонидан Ўзбекистон Республикаси Халқ таълими вазирлигининг 2018-йил 18-декабрдаги

 02-06/3-5531-сонли хати, 2018-йил 27-декабрдаги 01-37-сонли хати ижросини таъминлаш мақсадида “Қувончим,мақсадимсан қишки таътилим” шиори остида  ўқувчиларнинг қишки таътил даврида бўш вақтларини мазмунли ташкил этиш бўйича 28-декабрдан 10-январгача чора тадбир асосида қуйидаги тадбирлар бўлиб ўтди.

28-декабрь куни “Китоб-бебаҳо хазина”  номли мунозара бўлиб ўтди. Мунозарада      26 нафар ўқувчи иштирок этди. Ўқувчилар китоб ҳақида мақоллар, ҳикматли сўзлардан намуналар келтирдилар.

29-декабрь куни “Шеъриятга ошно қалблар”  номли танлов бўлиб ўтди. Танловга  25 нафар ўқувчи иштирок этди. Иштирокчилар  А.Обиджон, П.Мумин, Ҳ. Олимжон ва Зулфияхоним, Э.Воҳидов шеърларидан айтиб бердилар.

30-декабрь куни “Мен севган адабий қаҳрамон” номли  саҳналаштирилган  танлов бўлиб ўтди. Танловда 32 нафар ўқувчи иштирок этди. Х.Тўхтабоевнинг “Сариқ девни миниб”, “Беш болали йигитча”, Ғ.Ғуломнинг “Шум бола” асарларининг адабий қаҳрамонлари ўқувчилар томонидан  саҳналаштирилди.

3-январь куни “Доно китобхон” мавзусида ўқувчилар ўртасида  беллашув бўлиб ўтди. Беллашувга 25 нафар ўқувчи иштирок этди. Энг кўп китоб ўқиган китобхонлар танлаб олинди ва ўзаро ўқиган китоблари ҳақида баҳслашдилар.

4-январь куни “Китоб афзалми ёки телефон” мавзусида мунозара бўлиб ўтди, мунозарада   18 нафар ўқувчи иштирок этиб, шиддат билан кириб келаётган телефонни ҳам қачондир керакли эканлиги, китоб эса бизнинг беминнат дўстимизу ҳамиша ёнимизда бўлиши керак, буюк инсонлар ҳам китоб ўқиб  буюклик даражасига етганликлари ҳақида айтиб ўтдилар.

5-январь куни “Китоб бебаҳо-хазина” мавзусида китобларни ямаш,бутлаш ва уларга ишлов бериш акцияси бўлиб ўтди. Акцияда ахборот-ресурс марказида яроқсиз ҳолда келган китобларнинг 40 донаси ўқувчилар томонидан таъмирланди.

6-январь куни “Баҳру-байт ўқувчилар ўртасида танлов бўлиб ўтди. Танловга 22 нафар ўқувчи иштирок этди. Ўқувчилар М.Юсуф, А.Орипов, Т.Махмуд, П.Мўмин, О.Ҳожиева, Зулфияхоним шеърларидан кўпроқ айтдилар.

7-январь куни “Онам айтган эртаклар” мавзусида мунозара бўлиб ўтди. Мунозарага 18 нафар ўқувчи иштирок этиб, болалик даврларида бувижонларидан, онажонларидан эшитган эртакларини бирма-бир сўзлаб бердилар.

8-январь куни ”Шоирликми ёки болалик” мавзусида шеърхонлик кеча бўлиб ўтди. Кечада 27 нафар ўқувчи иштирок этди. Ёш ҳаваскор шоирлар ўзлари ёзган Она-Ватан, Устоз, табиат, ота-она, мактаб ҳақида ёзган шеърларини айтиб бердилар.

9-январь куни ”Менга таъсир қилган ҳикоя” мавзусида давра суҳбати бўлиб ўтди. Суҳбатда 25 нафар ўқувчи иштирок этди.Ўқувчилар А.Қаҳҳорнинг “Даҳшат”, “Бемор”, “Ўғри”, Ғ.Ғуломнинг “Менинг ўғригина болам” ҳикоялари ҳақида гапириб ўтдилар.

10-январь куни Худойберди Тўхтабоевнинг “Сариқ девни миниб”  асари юзасидан саҳналаштирилган театр намойиш этилди, 17 нафар ўқувчи иштирок этди. Энг яхши китобхон ўқувчилар Бунёджон Туробов, Исомиддин Толиповлар  Ҳошимжоннинг сеҳрли қалпоқчасини кийиб томошабин ўқувчиларга роллар ижро этиб бердилар.

Қишки таътил давомида ўтказилган тадбирларга жами  250 нафар  ўқувчи иштирок этди.

Қизилтепа туман Халқ таълимига қарашли Ахборот-ресурс маркази томонидан  “Қувончим, мақсадим  қишки таътилим” шиори остида ўқувчиларнинг  қишки таътилини мазмунли ўтказиш мақсадида “Шоирликми ёки болалик” мавзусида шеърхонлик кеча бўлиб ўтганлиги тўғрисида

                                         МАЪЛУМОТ.

   2019 йил 8 январь куни Ахборот-ресурс маркази томонидан  7-умумий ўрта таълим мактабнинг ёш қаламкашлари билан “Қувончим, мақсадим  қишки таътилим” шиори остида ўқувчиларнинг  қишки таътилини мазмунли ўтказиш мақсадида “Шоирликми ёки болалик” мавзусида шеърхонлик кеча  бўлиб ўтди. Кечани АРМ раҳбари Л.Жўрақулова очиб бериб, албатта ижод қилиш замирида қанчадан-анча машаққат борлигини ва бу машаққатлардан чекинмай изланиб ижод қилсагина келажакда ўз олдига қўйган мақсадлариига эришишларини айтиб ўтдилар.Ўзбекистон Халқ шоирлари  Т.Махмуд, А.Орипов, М.Юсуф, О.Ҳожиева, Зулфияхоним Исроилова каби ижод қилишларига тилаклар билдирдилар ҳеч қачон ижод қаламингиз синмасин дея сўзларини якунладилар. Ёш қаламкашлар 7-умумий ўрта таълим мактабнинг  6- синф ўқувчиси Ширин Актамова, Жавлон Розиқов, Аброр Азимов, 8-синф ўқувчилари Сабина Актамова, Райхона Рустамовалар бирма-бир сўз олиб  Она-Ватан, табиат, мактаб, китоб, ота-она, фарзанд, устоз, давлат рамзлари ҳақида ёзган шеърларидан намуналар келтирдилар.

Ҳар бир ёш қаламкаш ўқувчилар таклиф этилган меҳмонлар томонидан берилган саволларга аниқ ва лўнда жавоб бердилар.

6-синф ўқувчиси Аброр Азимовнинг  “Қизилтепа тонги” туман газетасига ўнтадан ортиқ шеърлари босилиб чиққанини  “Ватан меҳри” , “Онам  ўгитлари” номли  иккита китоби чиққанлигини айтиб ўтди. “Устозга таъзим”, “Мустақил юртим”, “Китобим”, “Онам ўгитлари” каби шеърларидан намуналар келтирди.

9-синф ўқувчиси Сабина Актамова яқинда ёзган “Табиатим табиат” номли шеърини айтиб берди.

6-синф ўқувчиси  Жавлон Розиқов “Қизилтепа тонги” газетасига босилиб чиққан шеърлари “Синфдошларим”, “Онажон”, “Янги йил” номли шеърларидан намуналар келтирди.

6-синф ўқувчиси Ширин Актамова  “Тўмарис” газетасида “Болалигим-подшолиги”, “Дугоналар”, ”Менинг биринчи ўқитувчим” номли шеърларини босилиб чиққанлиги ҳақида гапириб ўтди ва “”Менинг биринчи ўқитувчим” шеърини айтиб берди.

“Шоирликми ёки болалик” мавзусидаги шеърхонлик кечани ахборот-ресурс маркази ходими Р.Жумаева олиб борди. Кечага 27 нафар ўқувчи иштирок этди. 5 нафар ўқувчи ахборот-ресурс марказига аъзо бўлди.

Қизилтепа туман  Халқ таълими  бўлимига қарашли  ахборот-ресурс маркази томонидан 2018 йил 25- октябрь куни  Янги келган адабиётлар юзасидан  мактабнинг 10-синф ўқувчилари билан ўтказилган китоб тарғиботи хақида маълумот.

    2018 йил  25-октябрь куни  ахборот-ресурс  маркази ходими Д.Ҳамроева томонидан 7-умумий ўрта таълим мактаб 10-синф ўқувчиларига  Янги келган адабиётлардан    А.Қодирийнинг “Меҳробдан чаён”, З.М.Бобурнинг “Ҳар кимки вафо қилса”, П.Қодировнинг “Юлдузли тунлар”, Ў.Ҳошимовнинг “Икки эшик ораси”, Н.Гоголнинг “Даҳшатли интиқом”, Таволлонинг “Миллат садоси”, Ў.Ҳошимовнинг “Тушда кечган умрлар”, Аҳмад Лутфий Қозончининг  “Ўгай она  сўнгги тўфон”  каби асарлардан китоб тарғиботи ўтказилди.

 Тарғиботда синф рахбари С.Жамолова  сўз олиб , Китоб –инсоннинг ақлий тараққиёти ва маънавий камолотига ёрдам берувчи, илм дурдоналарини тўплаб,  авлодларга етказувчи, ўтмишни, бугун ва эртанги кунга боғлаб турувчи маънавий бойлик дея,  доимо китоб ўқиб  юришга ундадилар.

Тарғиботда  26 нафар ўқувчи иштирок этди. Олиб борилган тарғибот ишлари натижасида ахборот-ресурс маркази  фойдаланувчилар сони ортди.

Навоий вилоят Қизилтепа туман Халқ таълими бўлимига қарашли Ахборот-ресурс маркази ҳамда “Баркамол авлод” болалар маркази томонидан бўлиб ўтган “Тўгараклар ярмаркаси” ҳақида

маълумот.

      2018 йил 26сентябрь куни Халқ таъли бўлимига қарашли Ахборот-ресурс маркази ҳамда “Баркамол авлод” болалар маркази томонидан Навоий вилоят халқ таълими бошқармасининг 2018 йил 14 сентябрдаги         01-2802-сонли хати ижросини таъминлаш мақсадида “Тўгараклар ярмаркаси” бўлиб ўтди.  “Баркамол авлод” болалар маркази  директори Ш. Тожиддинова тадбирни очиб бериб, тўгаракда ўқувчиларни янада кўпроқ иштирок этишлари  ҳар бир ҳунарни пухта ўрганиб янгидан-янги инновациялар яратиб доимо Ўзбекистонни  дунёга танитишларини тилаб, “Бир йигитга қирқ ҳунар оз”- дея сўзларини якунлади.

 “Баркамол авлод” болалар маркази “Ёш ихтирочилар” тўгараги ўқувчилари ўзлари ихтиро этган қуёш батарияси билан ишлайдиган комбайин, пахта териш машинаси, ҳамда самолётлари, “Моҳир қўллар тўгараги” ўқувчилари томонидан тўқилган   ёш қизчалар учун  сумчалари, ҳар хил ҳамёнчалар, аёллар ва қизлар учун тиккан либослари билан иштирок этдилар.  “Карней” санъати томонидан маҳорат машғулотлари (мастер-класс) ўтказишлари барчага қизиқиш уйғотди.

 Ахборот-ресурс маркази томонидан  “Ўқинг янги адабиётлар” китоб кўргазмаси ташкил этилди. Ў.Ҳошимовнинг “Дунёнинг ишлари” асаридан саҳна кўриниш намойиш этилди. АРМнинг фаол китобхонни Диёрбек Умматов М.Юсуфнинг “Иқрор” шеърини, Толипов Исомиддин М.И.Крыловнинг “Бўри  билан қўзичоқ” масалини ижро этдилар. Тошпўлатов Санъат эса чиройли рақси, АРМ ходимлари томонидан “Китоб ўқиган етар муродга” номли саҳна кўринишилари ҳам барча ўқувчиларга хуш кайфият бағишлади.

“Тўгараклар ярмаркаси”га 368 нафар ўқувчи ва ўқитувчилар иштирок  этди.

                                        Тўгараклар ярмаркасидан лавҳалар.

Қизилтепа туман Халқ таълими бўлимига қарашли Ахборот-ресурс маркази томонидан Халқ таълими вазирлигининг 2018-йил 31- майдаги 119-сонли буйруғига асосан “Йилнинг энг яхши китобхон мактаби”   республика кўрик танловининг

туман босқичининг бўлиб ўтди.

     2018 йил 4-июнь куни М. Ашрафий номли Санъат мактабида  Халқ таълими бўлимига қарашли Ахборот-ресурс маркази томонидан Халқ таълими вазирлигининг 2018-йил 31- майдаги 119-сонли буйруғига асосан“Йилнинг энг яхши китобхон мактаби” номли  республика кўрик танловининг туман босқичи  бўлиб ўтди.

      Кўрик танловни одилона баҳолаб бориш учун ҳакамлар ҳайъати сайлаб олинди.Танловни кириш сўзи билан ХТБ  дарсликлар билан ишлаш бўйича услубшунос  Л.Исмоилова кириш сўзи очиб бериб, асрлар давомида кутубхоналарнинг бош мақсади билимли жамият қуришдан иборат бўлиб келган бўлса, китоб билимнинг қуроли бўлиб қолаверади. Кутубхоналар  ҳақиқатдан ҳам келажак учун катта дарвоза бўлиб ҳисобланади. Биз кутубхона ходимлари ҳар доим янги-янги қирраларни очиб топишимиз зарур, агар кутубхоналар бўлмаганда нашр этилган китоблар ҳар томонга тарқалиб кетиб, камета сингари вақт ўпқонига сингиб кетган бўларди, ҳеч қачон қадрини йўқотмаган мўъжизалардан бири китобдир. Шунинг учун китоб азиз, кутубхоналар муқаддасдир. Китоб кутубхонанинг асосий ўзаги бўлиши керак, дунё дунё  бўлиб яралибдики, китоблар орқали одамлар томонидан  олинадиган илм- фан ва маданий-маърифий озуқа фақат кутубхона орқали амалга ошириб келинади дея сўзини якунлади.

Мактаблар жамоа бўлиб ўзаро  4та шарт бўйича  беллашдилар.

 Миллий урф-одатларимиз, ўзбекона лутф ва ахлоқ талабларига мос равишда чиқиш қилдилар, жамоа викторинаси бўлиб, унда 20 дона ўзбек адабиёти

10 дона жахон адабиётидан  10тадан саволларга жавоб
беридилар, ёшлар етакчиси томонидан китобхонликни тарғиб қилиш, китобхонлик маданиятини шакллантириш бўйича ўз таклифларини призентация шаклида( видеоролик, слайд, кўргазмали воситалар)билан ҳимоя қиладилар, Эркин мавзу бўлиб бунда иштирокчилар ўзлари танлаган (Рақс, қўшиқ, мусиқа, монолог ёки театрлаштирилган саҳна кўриниши)намойиш этдилар.

1-ўрин:13-умумий ўрта таълим мактаб жамоаси 69 балл.

2-ўрин:3- умумий ўрта таълим мактаб жамоаси 64 балл.

3-ўрин:7-умумий ўрта таълим мактаб жамоаси 61 балл.

Вилоят босқичига 13-умумий ўрта таълим мактаб жамоаси  иштирок этишга муяссар бўлди.

 АРМ раҳбари Л.Жўрақулова якунловчи сўз олиб ғолиб бўлган мактаб кутубхона ходимларига фахрий ёрлиқлар ва қиммат баҳо совғалар топширдилар ва

13-умумтаълим мактаб жамоасига  омадлар тилаб  АРМ  ва мактаб кутубхона  ходимлари  жами 62 нафар киши иштирок этди.